Mid kamid ah Ergadii soo Doortay Xildhibaan Maxamud Macalin Yaxye oo Muqdisho lagu dilay?

0
14 June, 2018 in Wararka by BANA Mogdishu Office
  • Visits: 146
  • (Rating 0.0/5 Stars) Total Votes: 0
  • 0 0
  • Share via Social Media

    Mid kamid ah Ergadii soo Doortay Xildhibaan Maxamud Macalin Yaxye oo Muqdisho lagu dilay?

    Mid ka mid ah Ergadii Xildhibaanada Baarlamaanka Soomaaliya soo xushay ayaa xalay fiidkii lagu dilay degmada Dharkeyneley ee gobolka Banaadir, sida ay inoo sheegeen dadka deegaanka.

    Share on Twitter Share on facebook Share on Digg Share on Stumbleupon Share on Delicious Share on Google Plus

Mid ka mid ah Ergadii Xildhibaanada Baarlamaanka Soomaaliya soo xushay ayaa xalay fiidkii lagu dilay degmada Dharkeyneley ee gobolka Banaadir, sida ay inoo sheegeen dadka deegaanka.


Ninkan oo lagu magacaabi jiray Xasan Cali Ibraahim (Gaadaay) ayaa waxaa dilkiisa ka dambeeyay rag bastoolado ku hubeysnaa, kuwaasi oo qeybta sare ee jirkiisa ka toogtay, kadibna goobta ka baxsaday.

Marxuumka oo la dilay xilli uu ka soo baxay salaada Taraaxwiixda ayaa wuxuu dilkiisa si gaar ah uga dhacay xaafada Buullada ee ku toola Suuq Boocle korkiisa.

Ninka la dilay ayaa kamid ahaa ergadii wax ka soo dooratay Xildhibaanada Baarlamaanka ka soo gashay Deegaanada Koofur Galbeed, si gaar ah waxa uu usoo doortay Gudoomiyaha Guddiga xeer hoosaadka Golaha Shacabka Xildhibaan Maxamuud Macalin Yaxye.

Ciidamada Booliska Soomaaliya ayaa waqti dambe gaaray halkaasi, waxayna qaadeen meydka marxuumka, oo ay geeyeen Xarunta Hay’adda dambi baarista ee CID.

Ururka Al-Shabaab, ayaa waxaa la xusuustaa in ay dil ugu hanjabeen cid kasta oo ka qayb qaadatay soo xulista Xildhibaanada Baarlamaanka Soomaaliya.




Leave a comment

  Tip

  Tip

  Tip

  Tip

  Tip