Masuul ka Tirsan Maamulka G/Banaadir oo Muqdisho lagu dilay iyo xog laga helaayo?

0
14 June, 2018 in Wararka by BANA Mogdishu Office
  • Visits: 105
  • (Rating 0.0/5 Stars) Total Votes: 0
  • 0 0
  • Share via Social Media

    Masuul ka Tirsan Maamulka G/Banaadir oo Muqdisho lagu dilay iyo xog laga helaayo?

    Guddoomiye Waaxeed ka tirsanaa Maamulka Degmada Hawlwadaag ee Gobolka Banaadir, ayaa xalay fiidkii waxaa lagu dilay xaafada Shanta Geed ee degmadaasi, kadib markii ay rasaas huwiyeen niman bistoolado ku hubeysnaa.

    Share on Twitter Share on facebook Share on Digg Share on Stumbleupon Share on Delicious Share on Google Plus

Guddoomiye Waaxeed ka tirsanaa Maamulka Degmada Hawlwadaag ee Gobolka Banaadir, ayaa xalay fiidkii waxaa lagu dilay xaafada Shanta Geed ee degmadaasi, kadib markii ay rasaas huwiyeen niman bistoolado ku hubeysnaa.

Guddoomiye Waaxeedka la dilay oo magaciisa lagu soo koobay Jabloos ayaa waxaa la dilay xilli uu fadhiyay Maqaaxi lagu shaaheeyo oo ku taalla xaafada Shanta Geed, waxaana dilka kadib goobta ka baxsaday dableydii dilka geysatay.

Jabloos ayaa wuxuu maamuli jiray Waaxda Saqaawadiin, waxaana uu ahaa nin Oday ah oo si wayn looga yaqaanay Degmada Hawlwadaag, iyada oo dilkiisa ay aad u hadal hayaan dadka deegaanka.

Guddoomiyaha, ayaa waxaa la tilmaamay in si gaadmo ah ay ku toogteen raggii bistooladaha ku hubeysnaa, sida ay inoo sheegeen dad goobjoogayaal ah oo arkayay xilliga uu dilka dhacayay.

Ciidamada Dowladda federaalka oo durbaba ku baxay halka uu dilku ka dhacay, ayaa sidii caadada ahayd waxaa ay ku fashilmeen in ay gacanta ku soo dhigaan dableyda dilka geysatay.

Xoogaga Shabaabka u qaabilsan dilalka qorsheysan, ayaa xilliyada qaarkood waxaa ay dilal abaabulan ka gaystaan Caasimadda Muqdisho, iyada oo bishan Ramadaan ay kordhiyeen dilalka ay la beegsanayaan dadka kala duwan.




Leave a comment

  Tip

  Tip

  Tip

  Tip

  Tip