IS oo Sheegatay mas'uuliyadda Itoobiyaan lagu dilay Boosaaso

0
02 October, 2018 in Wararka by BANA Mogdishu Office
  • Visits: 71
  • (Rating 0.0/5 Stars) Total Votes: 0
  • 0 0
  • Share via Social Media

    IS oo Sheegatay mas'uuliyadda Itoobiyaan lagu dilay Boosaaso

    Wararka ka imaanaya magaalada Boosaaso ayaa sheegaya in xalay magaaladaas lagu dilay muwaadiniin u dhashay dalka Itoobiya.

    Share on Twitter Share on facebook Share on Digg Share on Stumbleupon Share on Delicious Share on Google Plus

Wararka ka imaanaya magaalada Boosaaso ayaa sheegaya in xalay magaaladaas lagu dilay muwaadiniin u dhashay dalka Itoobiya.


Dilka ayaa dhacay xalay abaare 9kii fiidnimo, xilli ay fadhiyeen meherad ku taalla xaafad u dhow dekedda, halkaasoo rag hubaysan ay rasaas ku fureen.

3 qof oo Itoobiyaan ah ayaa la xaqiijiyey in ay dhinteen, halka mid kalena uu dhaawacmay, sida uu BBC u sheegay duqa magaalada Boosaaso, Cabdisalaan Bashiir.

Wuxuu intaa ku daray in raggii falka gaystay ay baxsadeen.

Laamaha amaanka, maamulka gobolka iyo kan degmadaba waxay sheegeen in la wado baaritaan lagu ogaanayo cidda ka dambaysa dilkaas.

Xaafadda uu dilka ka dhacay waxaa u badan dad u dhashay Itoobiya, kuwaasoo badankood u yimaada Boosaaso in ay ka sii tahriibaan.

Warar aan la xaqiijin ayaa sheegaya in koox gacansaar la leh kooxda dawladda islaamiga ay sheegteen inay dilka dadkaas iyagu ka dambeeyeen.

Todobaadyo ka hor ayey ahayd markii askar ka tirsan madaxtooyada Puntland lagu dilay magaalada Boosaaso.

Al Shabaab iyo kooxda dawladda Islaamiga oo iyaga qudhooda ay xurguf ka dhaxayso ayaa labadaba dilal ka fuliya magaalada Boosaaso.




Leave a comment

  Tip

  Tip

  Tip

  Tip

  Tip