Gabdho Soomaaliyeed oo ku geeriyooday Minnesota

0
15 October, 2018 in Wararka by BANA Mogdishu Office
  • Visits: 81
  • (Rating 0.0/5 Stars) Total Votes: 0
  • 0 0
  • Share via Social Media

    Gabdho Soomaaliyeed oo ku geeriyooday Minnesota

    Laba gabdhood oo Soomaaliyeed oo la la'aa ilaa habeenkii Jimcaha ee Sabtida ay soo galeysay ayaa xalay meydadkooda waxaa laga helay Haro ku taalla duleedka magaalada Minneapolis ee gobolka Minnesota.

    Share on Twitter Share on facebook Share on Digg Share on Stumbleupon Share on Delicious Share on Google Plus

Laba gabdhood oo Soomaaliyeed oo la la'aa ilaa habeenkii Jimcaha ee Sabtida ay soo galeysay ayaa xalay meydadkooda waxaa laga helay Haro ku taalla duleedka magaalada Minneapolis ee gobolka Minnesota.


Geerida gabdhahan ayaa waxa ay ka dambeysay kadib markii gaari ay wateen uu ka dhacay xaro ku taalla duleedka magaalada Minneapolis, iyada oo si deg deg ah aysan u helin gargaarkii loogu tala galay.

Gabdhaha geeriyooday oo isku qoys ahaa ayaa waxaa lagu kala magacaabaa Zeynab Cabdalla iyo Xafso Cabdi, si dhab ah looma oga sababta ka dambeysay in gaarigooda uu ku dhaco halkaasi.

Baaritaano dheer iyo hawlgal ay sameeyeen ciidamada booliska ayaa waxa ay ku guuleysteen inay soo saaraan meydadka labada gabdhood oo 19 sano jir ahaa iyo gaarigii ay wateen.

Xamza Warfaa oo ka mid ah qoyska gabdhaha geeriyooday ayaa sheegay in gabdhahan ay ahaayeen kuwa ka qalin jabiyay dugsiga sare, islamarkaana shaqeysta, ilaa haddana aysan qabin tuhun ah in gabdhaha loo hanjabay, wuxuuna tilmaamay inay ka war sugi doonaan baaritaanada booliska.

Soomaalida ku nool magaalada Minneapolis ee gobolka Minnesota ayaa aad uga murugooday dhacdadan, waxayna booliska ka dalbadeen in arrintan baaritaan dheeraad ah lagu sameeyo.




Leave a comment

  Tip

  Tip

  Tip

  Tip

  Tip